«Լևոնին մեկուսացնելու քաղաքական խնդիր են փորձում լուծել»․ Հարութ Ուլոյան

Հրապարակախոս Հարութ Ուլոյանի ֆեյսբուքյան գրառումը․ «Եթե կարծում եք, թե կարկառուն ՔՊ-ականները, որոնց պաշտոն ունենալու միակ արժանիքը Նիկոլի հետ քայլելն է եղել, Տեր-Պետրոսյանին վիրավորում են, ապա դա ձեզ միայն թվում է։ Նմանատիպ վնգստոցների պատճառը 2-ն են․ նախ, նրանք բովանդակային առումով Տեր-Պետրոսյանին պատասխանելու ոչինչ չունեն, քանի որ վերջին տարիներին վերջինիս ուղղված բոլոր մեղադրանքներն այլևս հենց իրենց իսկ կողմից ոչնչացվել են՝ Ղարաբաղի էջը փակելուն ուղղված քարոզչական փաթեթով հանդերձ, և 2-րդ, նման վնգստոցների բուն հասցեատերն, իրականում, ոչ թե Տեր-Պետրոսյանն է, այլ լևոնական-նեոնիկոլականները, որոնց և տրամադրվում է իրենց վարքն արդարացնելուն ուղղված «արգումենտ»։
Նախ, այդ մարդիկ, Լևոնին ու լևոնականությունը փրկում էին խավարամիտ կոնգրեսականներից, հետո էլ լևոնականությունը փրկում էին Լևոնից․․․ Իսկ հիմա էլ պիտի ասեին այն, ինչ ասում են։
Եթե դա զուտ վիրավորանք լիներ, դա բացառապես բարոյական հարթությունում կարելի էր դիտարկել։ Բայց սրանով նրանք Լևոնին մեկուսացնելու քաղաքական խնդիր են փորձում լուծել՝ շատ լավ գիտակցելով, որ բովանդակային առումով վերջին մի քանի ամիսների ընթացքում, բացի Լևոնից, նրանց դեմ նման մակարդակից ոչ ոք չի խոսում»։