Հակասանիտարական վիճակ՝ Երևանում

Արդեն մի քանի ամիս է՝ Երևանի Մանթաշյան փողոցի 5-րդ շենքի նկուղները պարբերաբար ողողվում են կեղտաջրերով։ Ինչպես հայտնում է Գագիկ Շամշյանը, հաճախակի խցանվում են շենքի դիմաց գտնվող դիտահորերը և կեղտաջրերը սկսում են հոսել դեպի նկուղային հարկեր։ Բնակիչներից Գայանե Տանանյանն ասել է․ «Պետք է դիտահորերը մաքրվեն, որ հոսքը դադարի, բայց չեն գալիս՝ անում։ Չնայած առաջին անգամը չէ։ Գալիս մաքրում են, հետո նորից մի ամսից խցանվում է ու նույն վիճակը կրկնվում։ Նորից կեղտաջրերը լցվում են նկուղներ, թուլացնում վթարային կարգ ունեցող առանց այն էլ թուլացած շենքի հիմքերը, ինչի հետևանքով այն նստում է։ Ո՞վ է տեսել 21-րդ դարում նման անպատասխանատու վերաբերմունք քաղաքացու հանդեպ։ Բոլորս պարտաճանաչ կոմունալ վճարումները կատարում ենք, բայց արդյունքում ստիպված ենք ապրել գարշահոտության մեջ»։

Մանրամասները՝ սկզբնաղբյուրում։