Թրամփն էներգետիկայի ոլորտում արտակարգ դրություն է հայտարարել

ԱՄՆ-ի նախագահ Դոնալդ Թրամփն իր երդմնակալության խոսքում հայտարարեց էներգետիկ ոլորտում արտակարգ դրություն մտցնելու մասին՝ նավթի և գազի արդյունահանման ակտիվացման նպատակով, ինչը, ըստ նրա, հիմք կդառնա տնտեսության վերականգնման և գնաճի նվազեցման համար։
«Գնաճի ճգնաժամն առաջացել է զանգվածային գերծախսման և էներգակիրների գների աճի պատճառով, ուստի այսօր ես նույնպես կհայտարարեմ էներգետիկ արտակարգ դրություն: Մենք հորատում ենք, հորատում ենք, հորատում ենք»,- ասել է Թրամփը:
Նա ընդգծել է, որ ԱՄՆ-ն ունի նավթի և գազի ամենամեծ պաշարներն աշխարհում և մտադիր է դրանք օգտագործել գների իջեցման, ռազմավարական պաշարները համալրելու և էներգիա արտահանելու համար։