«Օտար երկրների վրա մաքսատուրքեր ենք սահմանելու». Դոնալդ Թրամփ

ԱՄՆ-ի նորընտիր նախագահ Դոնալդ Թրամփը հայտարարել է ԱՄՆ-ի առևտրային համակարգի բարեփոխման մասին։ Նա ազդարարեց Արտաքին եկամուտների ծառայության ստեղծման մասին, որը տուրքեր կհավաքի այլ երկրներից։
«Այլ երկրները հարստացնելու համար մեր քաղաքացիներին հարկելու փոխարեն, մենք օտար երկրների վրա մաքսատուրքեր ենք սահմանելու, որպեսզի հարստացնենք մեր քաղաքացիներին: Այդ նպատակով մենք ստեղծում ենք Արտաքին եկամուտների ծառայությունը, և սա մեր գանձապետարանի համար կլինի օտար աղբյուրներից եկամտի հսկայական հոսք»,- ասել է Թրամփը:
Նախագահը վստահություն է հայտնել, որ նման միջոցառումները Միացյալ Նահանգները կդարձնեն «հարուստ և բարգավաճ երկիր» և կվերականգնեն նրա տնտեսական հզորությունը։