«Ռուսաստանն ակնկալում է երկխոսություն ԱՄՆ-ի հետ հավասար հիմունքներով». Վլադիմիր Պուտին

Ռուսաստանի նախագահ Վլադիմիր Պուտինը հայտարարել է, որ Մոսկվան պատրաստ է Վաշինգթոնի հետ երկխոսությանը հավասար և փոխադարձ հարգանքի հիման վրա։

«Մենք ելնում ենք այն փաստից, որ երկխոսությունը կկառուցվի հավասար և փոխադարձ հարգանքով հիմքերի վրա՝ հաշվի առնելով այն նշանակալի դերը, որը մեր երկրները խաղում են համաշխարհային օրակարգի մի շարք առանցքային հարցերի, այդ թվում՝ ռազմավարական կայունության և անվտանգության ամրապնդման հարցում», - ասել է Պուտինն Անվտանգության խորհրդի նիստում։ Նրա խոսքով, Ռուսաստանը երբեք չի հրաժարվել երկխոսությունից և միշտ պատրաստ է գործընկերային հարաբերություններ պահպանել ամերիկյան իշխանությունների հետ։

Պուտինը նաև շնորհավորել է Թրամփին պաշտոնը ստանձնելու կապակցությամբ և ասել, որ Մոսկվան պատրաստ է Ուկրաինայի հակամարտության շուրջ բանակցությունների։