Շաբաթ, 15 օգոստոսի, 2026 թ.
|
Ստեփանակերտում`   +24 °C

«Ռուսական գազն Ադրբեջանի տարածքով կգնա Իրան. ինչո՞ւ ոչ` Հայաստանով». Էդմոն Մարուքյան

«Ռուսական գազն Ադրբեջանի տարածքով կգնա Իրան. ինչո՞ւ ոչ` Հայաստանով». Էդմոն Մարուքյան
678
Կիրակի, 19 հունվարի, 2025 թ., 23:42

ԼՀԿ ղեկավար Էդմոն Մարուքյանը յութուբյան իր ալիքում տեսանյութ է հրապարակել ու գրել․ «Իրանի նախագահ Փեզեշքիանը և ՌԴ նախագահ Պուտինը ստորագրեցին Ռուսաստանի և Իրանի միջև համապարփակ ռազմավարական գործընկերության մասին պայմանագիրը, որի շրջանակներում՝ Թեհրանը նախատեսում է շուտով գազ գնել Մոսկվայից, իսկ մատակարարվելու է այն Ադրբեջանի տարածքով։

Պատկերացնում եմ այն մարդկանց դեմքերը, որոնք պնդում են, թե Հայաստանը կարող է հրաժարվել ռուսական գազից և գնել իրանականը: Այն դեպքում, երբ Իրանը պայմանավորվում է Ռուսաստանից գազ ստանալու մասին՝ այն էլ Ադրբեջանի միջոցով։
Իհարկե, այստեղ առաջանում է մեկ այլ հարց. արդյո՞ք հնարավոր չէր այն ստանալ Հայաստանի միջոցով, թեկուզ՝ սահմանափակ ծավալով։
Սրա շուրջ նույնպես պետք է մտորել…

Բայց փաստը մնում է փաստ, որ մեր վարած քաղաքականությունը և այն դիրքավորումը, որ ունենք ներկայումս, մեզ զրկում են տարածաշրջանի բոլոր առևտրային ծրագրերից։

Մոտ 30 տարի ապրել ենք հաղթած շրջափակման մեջ, ըստ ամենայնի, առջևում մեզ սպասվում է պարտված շրջափակում, որովհետև նորից իմաստնություն չենք դրսևորում»։

«Ռուսական գազը Ադրբեջանի տարածքով կգնա Իրան. ինչո՞ւ ոչ` Հայաստանով». Էդմոն Մարուքյան

Կարդացե՛ք նաև