«ժողովրդին ասում են՝ վերջին կոպեկներդ հայտարարագրի՛, հասկանանք՝ ոնց ենք քերում»․ Աննա Գրիգորյան

«Երեկվանից ՔՊ խմբակցությունը և Նիկոլ Փաշինյանն ամեն կերպ լծվել են հայտարարագրման պրոցեսի հերոսացմանը»,- այս մասին ԱԺ հայտարարությունների ժամին նշեց «Հայաստան» խմբակցության պատգամավոր Աննա Գրիգորյանը՝ բարձրաձայնելով եկամուտների հայտարարագրման համակարգի վերաբերյալ իր մտահոգությունները։

«Բյուջեն լցնելու խնդիր ունեն էս մարդիկ, դրա համար է, որ ավելացվել է գույքահարկը, տրանսպորտի գինը, կարմիր գծերի վճարը, փաստաբանների, նոտարների հարկերը, շրջանառության հարկը․․․ Պարզվում է՝ սա էլ հերիք չէ, յուրաքանչյուր մարդու ասում են՝ գնա՛ հայտարարագրի եկամուտներդ․․․ Այստեղ հակակոռուպցիոն պայքարի տրամաբանություն չկա, կոռուպցիան այնտեղ է, որտեղ կա իշխանություն․․․ Խեղճ ժողովրդին ասում են՝ վերջին կոպեկներդ գնա՛ գրի, տեսնենք որն է, որ հասկանանք՝ ոնց ենք քեզ քերում»,- նշեց պատգամավորը՝ հավելելով՝ մի քանի տարվա ընթացքում 3 միլիոն «վարչապետը» դարձել են 3 միլիոն «տուգանքի մատերիալ»։