Շաբաթ, 25 հունվարի, 2025 թ.
|
Ստեփանակերտում`   0 °C

Սլովակիայում բողոքի ցույցեր են սկսվել վարչապետ Ֆիցոյի և նրա կառավարության դեմ

Սլովակիայում բողոքի ցույցեր են սկսվել վարչապետ Ֆիցոյի և նրա կառավարության դեմ
128
Այսօր, 00:18

Սլովակիայի մի շարք քաղաքներում բողոքի ցույցեր են ընթանում գործող վարչապետ Ֆիցոյի և նրա կառավարության դեմ։

Ցուցարարների կարգախոսն է՝ «Սլովակիան Եվրոպա է»։ Այս մասին հայտնում է տեղական Aktuality հրատարակությունը։

Սլովակիայում Ֆիցոյի կառավարության դեմ բողոքի ցույցեր են կազմակերպում «Ուկրաինայի խաղաղություն» նախաձեռնությունը և ընդդիմադիր քաղաքական կուսակցությունները։ Զուգահեռաբար բողոքի ակցիաներ են ընթանում Լեհաստանում, Գերմանիայում, Չեխիայում և Իռլանդիայում։

Ցույցերին մասնակցում են հազարավոր մարդիկ, Կոշիցեյում լրատվամիջոցները հաշվել են 15 հազար մասնակից։
Հիշեցնենք, որ Սլովակիայի վարչապետ Ռոբերտ Ֆիցոն ասել էր, որ սլովակական ընդդիմությունը պատրաստվում է «մայդան» անցկացնել։
«Ես չեմ կարող անուններ տալ, չեմ կարող նշել հանգամանքները, բայց կարող եմ ամենայն լրջությամբ ասել, որ Սլովակիայի ընդդիմությունը պատրաստվում է «մայդանի»», - ասել էր նա։
Մեկնաբանելով Սլովակիայի հակահետախուզության տեղեկատվությունը, ըստ նրա, ընդդիմությունը պատրաստվում է գրավել կառավարական շենքերը, դիմակայել կառավարության աշխատանքին և համագործակցել օտարերկրյա ուժերի հետ:
Ֆիցոն հավելել է, որ սա երկարաժամկետ, կազմակերպված ազդեցության օպերացիա է, որի նպատակն է՝ ապակայունացնել իրավիճակը Սլովակիայում։

Կարդացե՛ք նաև