«Սիրիայում 2007-ին պեղումների ընթացքում բացվել է հայերի եղբայրական գերեզման». Միքայել Բադալյան

Ուրարտագետ Միքայել Բադալյանը ֆեյսբուքյան իր էջում գրել է. «Քաղաքական մեկնաբան Հակոբ Բադալյանի թելեգրամյան գրառումը․ «Սիրիայի հյուսիս-արևելքում գտնվող Ռաս ալ-Այն (ալ-Հասաքա) քաղաքում՝ Թել Ֆահրիյա հնավայրում, 2007թ-ի ամռանը իրականացվեց դատահնագիտական արտաշիրիմում։ Արդյունքում բացվեց մի եղբայրական գերեզման, որտեղ, ըստ երևույթին, գտնվում էին հայերի աճյունների մասունքները, ովքեր մահացել էին մոտակա համակենտրոնացված ճամբարում՝ օսմանյան պաշտոնյաների կողմից հարկադիր տեղահանություններից հետո։ Այս մասունքների դատաբժշկական վերլուծության նպատակը գերեզմանում թաղվածների կենսաբանական նկարագրեր ստանալն էր: Արտաշիրիմման են ենթարկվել առնվազն 80 տարբեր տարիքային և սեռային դասակարգմամբ անձինք՝ պահպանված տարբեր կմախքային վիճակներով։ Եզրակացությունները տվեցին հետաքրքիր արդյունքներ, որոշ հաստատված պատմական ակնարկներ՝ միևնույն ժամանակ առաջ բերելով մի շարք բաց հարցեր: Ենթադրվում է, որ սա Հայոց ցեղասպանության հետազոտության մեջ իրականացված առաջին դատահնագիտական և մարդաբանական աշխատանքն է: 2009թ-ին Ռոքսանա Ֆերլլինիի և Ալեքսանդրա Մ․ Քրոֆտի կողմից նշանավոր Journal of Human Rights ամսագրում հրատարակվել է հոդված՝ նվիրված այս ուսումնասիրությանը»: