«Կա կոնսենսուս մինուս մեկ՝ Փաշինյանին հեռացնելու». Էդուարդ Շարմազանով

«Նիկոլ Փաշինյանը բանկրոտ գործիչ է, քաղաքական բանկրոտ է»,- «Նյուզ»-ի եթերում փաստեց ՀՀԿ ԳՄ անդամ Էդուարդ Շարմազանովը: Շարմազանովի խոսքով՝ Նիկոլ Փաշինյանն այլևս չունի ոչ մի հենարան, բացի թուրք-ադրբեջանականից. «Նույնիսկ իր ՔՊ-ում հասկանում են, որ ինքը Հայաստանը տանում է կործանման՝ թե՛ տնտեսական, թե՛ սոցիալական, թե՛ արտաքին ու անվտանգային քաղաքականությամբ»: Այն հարցին, թե «բանկրոտ ղեկավարին դժվա՞ր է հեռացնել, ինչո՞ւ չեք կարողանում միասնական ընդդիմությամբ հեռացնել», Շարմազանովը պատասխանեց. «Կհեռացնենք, 2025 թվականը շատ ծանր է լինելու Նիկոլ Փաշինյանի իշխանության, բայց նաև՝ Հայաստանի համար»: «Կա քաղաքական և հանրային կոնսենսուս՝ Փաշինյանին հեռացնելու հարցում: Կա մի խնդիր, որ այդ կոնսենսուսի տարբեր դերակատարները մի կողմ դնեն՝ սառեցնեն սեփական տարաձայնությունները և միավորվեն հայրենիքը Նիկոլ Փաշինյանից ազատագրելու գործում: Ակնհայտ է՝ կոնսենսուս -1 է. այլևս Փաշինյանը չունի հանրային աջակցություն»,- նշեց Շարմազանովը և հավելեց, որ բոլոր դերակատարները, ովքեր գիտակցում են, որ մեր տունը՝ Հայաստանը այրվում է, պետք է սառեցնեն իրենց ներքաղաքական տարաձայնությունները, միավորվեն, տունը այրողին հեռացնեն, կրակը հանգցնեն և նոր այդ տունը զրոյից սարքեն: