«ՀՀ-ն չպետք է միջամտի Աբխազիայում տեղի ունեցողին». Լևոն Սարդարյան

Լրագրողների անկախ արհեստակցական միության նախագահ Լևոն Սարդարյանի ֆեյսբուքյան գրառումը․ «Հիմա կփորձեմ շատ նուրբ արտահայտվել՝ հաշվի առնելով բազմաթիվ հանգամանքներ։ Հայաստանի Հանրապետությունը չպետք ա ու կարիք չունի միջամտելու Աբխազիայում տեղի ունեցողին՝ մի քանի պատճառով։ Նախ, ժամանակին ինչ հնարավոր բան կար՝ արել ենք։ Երկրորդ. Աբխազիան Ռուսաստանի կողմից ճանաչված պետություն ա ու թող իր հարցերն էդ դաշտում լուծի։ Երրորդ. Ռուսաստանն ինքն ա Աբխազիային դրել մեկուսացման մեջ։ Եվ, վերջապես, չորրորդ․ եթե Մոսկվան խնդիր չի տեսնում, որ թուրքական հատուկ ծառայությունները Սուխումում վխտում ու եղանակ են ստեղծում (իսկ դա սուտ ա), խի՞ պիտի ՀՀ–ն՝ որպես սուվերեն պետություն, Հռոմի պապից կաթոլիկ խաղա։ Աննորմա՞լ եք, թե՞ Ռուսաստանի պետական քաղաքականությանը դեմ խաղալու նոր տարբերակ եք առաջարկում:
Հ․Գ․ Հիշեցման կարգով ասեմ․ Ռուսաստանը մոտ մեկ ամիս առաջ անջատել ա Աբխազիայի էներգմատակարարումը։ Թե բա՝ պրոթուրքական ուժերը։ Չնայած՝ հա, շատ մոտ ա»: