«Չգիտեին ու չիմացան, որ Արցախը հանձնելու են». Ժաննա Ալեքսանյան

Իրավապաշտպան Ժաննա Ալեքսանյանի ֆեյսբուքյան գրառումը. «Բանակի օրը նախ հայրենիքի համար նահատակված հերոսների փառաբանության օրն է։ Ուզում եմ առանձնացնել 2023թ․ սեպտեմբերի 19-ին Արցախի համար վերջին մարտերում զոհված 224 զինվորներին (պաշտոնական), որոնք մի կողմից փորձում էին թուրքի յաթաղանից փրկել իրենց ընտանիքներին, մյուս կողմից մարտեր էին մղում սահմանին։ Նրանք պատրատ էին զոհվել հանուն Արցախի, չգիտեին ու չիմացան, որ Արցախը հանձնելու են։ Նրանցից շատերի շիրիմները մնացել են այնտեղ։ Ուզում եմ մխիթարության խոսքեր ասել նրանց հարազատներին, որոնք հնարավորություն չունեն այցելել, ծաղիկներ տանել նրանց շիրիմներին։ Սա մեծ տառապանք է։ Մենք պետք է հոգատար լինենք նրանց նկատմամբ, որ հաղթահարեն ողբերգությունը»: