«Մեր քաղաքականության տակտը դարձել է համահունչ միջազգային որոշակի պրոցեսների հետ»․ Նիկոլ Փաշինյան

«Բոլոր այն աղետները, որոնք մենք մեր պատմության ընթացքում ունեցել ենք, առանձնահատկություններն ուսումնասիրելիս եկել ենք մի արձանագրման, որ մենք, որպես կանոն, այդպես էլ չենք կարողացել մեր պատմության տակտը համահունչ դարձնել միջազգային զարգացումների տակտի հետ»,- երեկ Սյունիքում տեղի ունեցած դեսպանահավաքի ժամանակ ասել է ՀՀ վարչապետ Նիկոլ Փաշինյանը: «Այն, ինչ Վաշինգթոնում տեղի է ունեցել, նշանակում է, որ մեր քաղաքականության տակտը դարձել է համահունչ միջազգային որոշակի պրոցեսների հետ, որը չափազանց կարևոր է, և սա մեր, թերևս, մի քանի հարյուրամյակների առաջին իրատեսական և ռեալ հնարավորությունն է՝ դառնալ միջազգային զարգացումներին համահունչ: Եվ սա չափազանց կարևոր արձանագրում է»,- ասել է նա: