«Ռուսին քծնելու մրցապայքարում Գյումրու համայնքապետն անգերազանցելի է»․ Հասմիկ Հակոբյան

ԱԺ ՔՊ-ական պատգամավոր Հասմիկ Հակոբյանի ֆեյսբուքյան գրառումը․ «Ո՞վ է ռուսին քծնելու մրցապայքարի մեջ ամենասանձարձակը: Գիտեմ, որ տարբեր անուններ են անցնում ձեր մտքով, դե քիչ չեն Հայաստանում նմանները:
Բայց համաձայնեք, որ Գյումրու համայնքապետն անգերազանցելի է: Նրան շատերը անլուրջ են վերաբերում, ինչպես ծաղրածուին, բայց շատ իզուր:
Ինչպե՞ս հումորով վերաբերել հետևյալ արտահայտությանը, թե մեր անվտանգությունը հայ զինվորը չի իրականացնում, դա ձևական է, ռուսն է պահում Հայաստանի սահմանը:
Որքան էլ ծաղրածուի կերպարով ներկայանաս, հայ զինվորի դերակատարումը սենց նսեմացնելը չես կարող կոծկել: Էդքան զոհված հայ զինվորների ընտանիքներին կարո՞ղ ես ասել, որ իրենց զինվորը ձևական է պաշտպանել Հայաստանը: Կամ այսօր սահմանին կանգնած զինվորներն են ձևակա՞ն:
Մի բան էլ, հայտնի հոգեբանական երևույթ կա, կոչվում է պրոյեկցիա․ մարդը իր մեջ առկա որակները կամ վարքագծերը չի ընդունում և դրանք քննադատում ուրիշների մեջ։
Օրինակ՝ համասեռամոլության պարագայում սա կարող է դրսևորվել այն մարդկանց մոտ, ովքեր իրենք ունեն նույն հակվածությունը կամ մտքեր, բայց չեն կարողանում ընդունել դա՝ սոցիալական կամ ներքին ճնշումների պատճառով։ Այդ ներքին կոնֆլիկտը հանգեցնում է ուժեղ բացասական վերաբերմունքի դեպի նույնական երևույթը ուրիշների մոտ։
Վերևում հիշատակածս մարդը երեկվա հարցազրույցում, որտեղ հայ զինվորին համարել է «ձևական», 30 րոպեում 10 անգամ խոսել ու քննադատել է համասեռամոլներին...