«Մեղրին կիսատում եք, դարձնում պոլիգոն»․ Ծաղիկ Վարդանյան

«Առողջություն և իրավունք» ՀԿ համահիմնադիր Ծաղիկ Վարդանյանի ֆեյսբուքյան գրառումը․ «Վերջին օրերին ակտիվացել են Մեղրու շուրջ խոսակցությունները։ Մի մասը անցյալն են հիշում, մեղավորներ գտնում, մյուսները՝ սպասվելիք ճանապարհն են քննարկում և այլն։
Եվ հանկարծ այսօր կառավարության ղեկավարի մամուլի ասուլիսից տեղեկանում ենք, որ հայկական կողմը ադրբեջանին առաջարկել է Մեղրիով երկաթուղային միջազգային հաղորդակցություն։
Պատճառը, որ առաջարկել են Մեղրին, գումարն է՝ «Մեղրիով էժան կստացվի»։
Հիշեցնեմ, որ Մեղրում էլ չկա երկաթուղի, վաղուց քանդել են։
Նիկոլ Փաշինյան, հիմա ձեր ասած միջազգային հաղորդակցությունը պարզապես ՀՀ-ի մնացած երկաթուղիների նման ընդամենը ճանապա՞րհ է, այդ երկաթուղու վրա մեր մաքսային և այլ կարգավորումներ գործելո՞ւ են։ Ովքե՞ր են լինելու Մեղրու տարածքում ստեղծված այդ երկաթուղային գծի կայարանների կառավարիչները։ Սրանք հարցեր են, որոնք որոշիչ են, որոնք դուք շրջանցեցիք։
Հակառակ պարագայում Մեղրին կիսատում եք, դարձնում «պոլիգոն»»։