«Կոչեր անելու փոխարեն լավ կլինի Օսկանյանը շարունակի սերտել occupied բառի ստուգաբանությունը». Արսեն Թորոսյան

ԱԺ «Քաղաքացիական պայմանագիր» խմբակցության պատգամավոր Արսեն Թորոսյանի ֆեյսբուքյան գրառումը. «Շատ հետաքրքիր է, թե ի՞նչը կամ միգուցե ո՞վ է դրդում արտաքին գործերի նախկին նախարար Վարդան Օսկանյանին անդադար խոսել իր պաշտոնավարման ժամանակ տեղի ունեցած խայտառակ իրադարձություններից, փորձելով արդարանալ, բայց իրականում հաստատելով ամեն ինչ։
Այ, օրինակ, մեկ այլ նախկին ԱԳ նախարար՝ Էդվարդ Նալբանդյանը, ծպտուն անգամ չի հանում՝ հավանաբար հասկանալով դրա հետևանքները։ Ինչ խոսք, դա ավելի իմաստուն վարքագիծ է։
Հ.Գ. Օսկանյանը տարբեր երկրների հայ համայնքներին կոչեր անելու փոխարեն, լավ կլինի շարունակի սերտել անգլերեն occupied բառի ստուգաբանությունը»: