Թբիլիսում բողոքի ակցիայի ժամանակ բերման ենթարկվածների թվում կան քաղաքական գործիչներ

Եվրոպամետ բողոքի ակցիաների 67-րդ օրը, ժամը 18:00-ի սահմաններում «Թբիլիսի մոլ»-ի մոտ անցկացվող բողոքի ցույցի ժամանակ ոստիկանության կողմից բերման եթարկված տասնյակ անձանց թվում են նաև քաղաքական գործիչներ Գիգի Ուգուլավան, Նիկա Մելիան, Գիորգի Կիրթաձեն և Թենգո Թևզաձեն, ինչպես նաև Դիմա Բիձինաշվիլին։

Հատկանշական է, որ «Վրացական երազանքը» արագացված կերպով օրենք է ընդունել, որով ճանապարհների փակումը դարձել է քրեական օրենսգրքով պատժելի արարք։ Հանրահավաքից առաջ ՆԳՆ-ը երկու նախազգուշական հայտարարություն էր տարածել: