«Պլանավորում ենք, որ հոկտեմբերից Ամուլսարում արդյունահանում տեղի ունենա». Գևորգ Պապոյան

Էկոնոմիկայի նախարար Գևորգ Պապոյանը ճեպազրույցի ժամանակ նշեց, որ Ամուլսարի շահագործման հետ կապված գործընթացը բանկերի հետ շատ ակտիվ փուլում է: «Ամեն ինչ գնում է նրան, որ տեղի է ունենալու վարկավորումը՝ խանգարող հանգամանքները հերթականությամբ լուծվում են: Սկզբից կունենանք շինարարության փուլ, հետո արդեն արդյունահանման փուլ: Պլանավորում ենք, որ հոկտեմբերից արդյունահանում տեղի ունենա»,- ճեպազրույցի ժամանակ հայտնեց նախարարը և ընդգծեց, որ նաև տնտեսական ցուցանիշների մեջ են կանխատեսում, որ այս տարվա վերջին եռամսյակը պետք է ավելի լավը լինի՝ պայմանավորված Ամուլսարի շահագործման հանգամանքով: