«Մի կպեք հասարակ քաղաքացուն՝ «խոշորներին» բռնելու համար». տնտեսվարող

«Ես մի բիզնեսի մեջ եմ, որ չգիտեմ՝ ինքը եկամուտ ունի՞, թե՞ չունի, էնքան որ ապրում եմ, ուրիշ աշխատանք չունեմ»,- ԱԺ-ում կազմակերպված քննարկման ժամանակ ասաց մասնակից տնտեսվարողներից մեկը: Նա ընդգծեց, որ ինքը հարկ է տալիս, իսկ կառավարությունը պարտավոր է իրեն տեղեկացնել, օգնել, իր ձեռքը բռնել՝ բարձրացնել: «Բայց մինչև այսօր ոչ մի մանր, միջին բիզնեսով զբաղվող չի աճել և հասել խոշորի: Միշտ մեզ ասում եք՝ մենք ձեր միջոցով ուզում ենք բռնել խոշորին: Ձեզ հաց տվողին կվնասե՞ք: Մի կպեք հասարակ քաղաքացուն՝ խոշորին բռնելու համար, դուք որ վայրկյանին ուզեք՝ խոշորին կբռնեք»,- նշեց շրջանառության հարկի փոփոխությունից դժգոհ տնտեսվարողը՝ հավելելով. «Շատ լավ տեսնում եք՝ ով ա հարստանում, ով ա գոյատևում և ով ա ապրում»: