«Ենթադրաբար` վարչախումբը փորձելու է նույնը կրկնել»․ ՀայաՔվե

«ՀայաՔվե»-ն ֆեյսբուքյան էջում հայտնում է․ «Օրեր առաջ, երբ օտարերկրացիները մեր կենտրոնական հրապարակում մեր արժանապատվությունը վիրավորող երգ էին երգում, դրա համար գործող վարչախումբը փորձեց պատժել այն պարկեշտ և վաստակավոր մարդուն, որը դա տեսել և պատկան մարմինների ուշադրությունն էր հրավիրել։ Սա աղաղակող դեպք էր, պատահական չէր, որ դատարանի շենքի դիմաց գիշերվա ընթացքում հարյուրավոր մարդիկ էին հավաքվել, որոնց թիվը շարունակ աճում էր, և որոնց վճռականությունից վախենալով՝ վարչախումբը ստիպված եղավ ընկրկել և ազատ արձակել Ղարիբ Բաբայանին։
Ենթադրաբար՝ վարչախումբը փորձելու է նույնը կրկնել, քանի որ սա իրենց պարտավորությունն է իրենց արտաքին հովանավորների առաջ։ Ավելին, ըստ որոշ տվյալների՝ ՔՊ վարչությունում տեղի են ունենում քննարկումներ, որտեղ հիմնական թեման ադրբեջանցիների վերաբնակեցումն է Հայաստանում, և նույնիսկ ՔՊ-ական շատ դեմքեր սկսել են ընդդիմանալ դրան՝ հասկանալով, որ Փաշինյանը պատվերը կկատարի և կարող է դրանից հետո հեռանալ, իսկ իրենք ստիպված են լինելու մնալ և առերեսվել բոլոր հետևանքներին»։