«Քանի դեռ «իրական Հայաստանը» կունենա արտաքին զորակցություն, «ավանդապահ Հայաստանը» կմնա հալածյալ»․ Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը. «Այն ուժերը, որոնք հանդես են գալիս պայմանականորեն «ավանդապահ Հայաստանի» դրոշի ներքո վարչապետ Փաշինյանի համար ոչ այնքան քաղաքական հակառակորդ են, որքան «իրական Հայաստանի» թշնամի։ Ստեղծված իրավիճակում «իրական Հայաստանի» թշնամիները արմատական սպառնալիք են գործող իշխանության կենսական շահերի ու, Փաշինյանին տապալելու դեպքում, նրա և իր մերձավորների կյանքի համար։ Տեսնում ենք, որ վարչապետ Փաշինյանին ընդդիմադիր ուժերն ունակ չգտնվեցին արդյունավետ քաղաքական գրոհ կամ գոնե դիմադրություն կազմակերպել՝ նա ավելի ճարպիկ, հետևողական ու հաստատակամ գտնվեց։ Քանի դեռ Փաշինյանի «իրական Հայաստանը» կունենա արտաքին զորակցություն և տեղական ուժային կառույցների աջակցությունը, «ավանդապահ Հայաստանը» կմնա հալածյալ»։