«Ռազմարդյունաբերության ոլորտի նորարար մշակումները զե՞րծ են ռիսկերից». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Տրանսպորտային «ռեֆորմի» առիթով մի հարց առաջացավ ինձ մոտ:

Հայտնի է, որ կառավարող ուժը շատ է շեփորում այն, որ ռազմարդյունաբերության ոլորտին հատկացվում են անգամներով ավելի միլիարդ դրամներ, իսկ, այսպես ասած, ոչ պաշտոնական «մունետիկներով» էլ հանրության լայն զանգվածներին համոզում, որ իրականացվում են նորարար այնպիսի մշակումներ, որ աշխարհում անգամ տեսնված չեն:

Հիմա, այդ «շառլատան մունետիկները» մի կողմ, ես իհարկե չեմ ուզում կասկածի տակ դնել ռազմարդյունաբերության ուղղությամբ աշխատանքում ներգրավված մարդկանց ազնվությունն ու նվիրվածությունը, բայց այդուհանդերձ մի հարց ինձ մոտ առաջանում է՝

այդ ոլորտում մշակումները գոնե զե՞րծ են տրանսպորտային «վալիդատորների» որակի ռիսկից:

Որովհետև, քանի որ անողը, ըստ էության, կառավարման միևնույն համակարգն է, տեսնելով վալիդատորների նորարար տեխնոլոգիական որակը, այդուհանդերձ առաջանում է օբյեկտիվ հարց նույն համակարգի «նորարար» գործունեության ցանկացած այլ ուղղության առնչությամբ»: