«Նիկոլ Փաշինյանի վերջին խոստումն էլ սուտ դուրս եկավ». Ոսկան Սարգսյան

Լրագրող Ոսկան Սրագսյանի ֆեյսբուքյան գրառումը. «Վերջին խոստումն էլ սուտ դուրս եկավ․
«Նախկինների» արած թալանը կոպեկ առ կոպեկ, քյաբաբ առ քյաբաբ ետ բերելը, Ռոբերտ Քոչարյանի կողմնակիցներին «շինելը», կոռուպցայի դեմ պայքարը, տնտեսական հեղափոխությունը, արագաչափերը փակելը, քաղաքացուն տուգանքի մատերիալ չդարձնելը ու տասնյակ նման խոստումներ Նիկոլ Փաշինյանը դրժեց, դրանք սուտ դուրս եկան։ Վերջին խոստումը՝ խաղաղության խաչմերուկը, տարածաշրջանում խաղաղության դարաշրջան բացելը, Ադրբեջանի հետ խաղաղության պայմանագիրն էր։ 2020թվականի պատերազմի ավարտից չորս տարի և երեք ամիս անց չի իրականացվել ու չի իրականացվելու։ Իլհամ Ալիևի կողմից Հայաստանին նոր պահանջներ ներկայացնելը, Ադրբեջանի ագրեսիվ հռետորաբանությունը, բանակն անընդհատ զինելը, պարբերաբար զորավարժություններ անցկացնելը, հակահայ քարոզչությունը, Արցախում հայկական մշակութային օջախները վերացնելը դրա մասին են վկայում։ Նիկոլ Փաշինյանը Հայաստանի բնակիչներին չի խոստացել Հայաստանը դարձնել խաղամոլության և թմրամոլության երկիր, սակայն դարձրել է։ Չի խոստացել բարձրացնել հարկերն ու տուրքերը, սակայն բարձրացրել է։ Հայաստանի՝ որպես պետության գոյության համար մեծ սպառնալիք է ՔՊ-ական իշխանության մնալը»: