«Հատուկ նպատակով այնպես է արվում, որ մարդիկ ամաչեն հայրենասիրությունից». Անուշ Սեդրակյան

Քաղաքագետ Անուշ Սեդրակյանը ֆեյսբուքյան իր ջում գրել է. «Ժամանակին ես չէի կարող հասկանալ, թե ինչպես մեծագույն նորարար և ապստամբ Թ. Էլիոթը դարձավ պահպանողական։
Հիմա հասկանում եմ, որովհետև այժմ ես՝ համոզված լիբերալ հեղափոխականս, դարձել եմ աջ ցենտրիստ։
Ինչո՞ւ։
Ես արդեն չեմ կարող ընդունել, որ բարոյական նորմերի ամեն խախտում կամ օրիգինալ շարադրված ամեն էշություն ուսանելի նորույթ է։ Օրինակ «արևը պիտի շողա միայն զոհերի վրա» վերջերս լսված ֆրազը նորմալ կլիներ պոետական տեսանկյունից, քաղաքական առումով էս դեբիլությունը ես հրաժարվում եմ ընդունել։
Ես ագնոստիկ եմ և իրապես համարում եմ, որ վերին աստվածային ուժի լինել֊չլինելիությունը խիստ բարդ է և խճճված, դրա համար հասկանում եմ աթեիստներին և հավատացյալներին։ Բայց հրաժարվում եմ ընդունել ձախական էն մոլուցքը, որը ձեռ առնելով հավատացյալներին և պիտակավորելով քահանաներին՝ ինքնահաստատվում է իբրև առաջադեմ մտածող հանրույթ։ Չգիտես ինչու, էդ առաջադեմները մի վայրկյան իսլամը ձեռ չառան, գիտեն, թե ինչ հետևանքներ կլինեն։
Ես աջ եմ, և չեմ ուզում, որ մարդիկ ետ կանգնեն հայրենասիրությունից, որ համարում են էժանագին պաթոս։ Հատուկ նպատակով է դա արվում, որ մարդիկ ամաչեն հայրենասիրությունից իսկ ազգի հանդեպ ոճրագործությունը դիտարկեն՝ իբրև առաջադեմ քայլ։ Նաև այդ ամենն ազատում է պետական և անձնական պատասխանատվությունից, ինչ հրաշալի լուծում։
Ես աջ եմ և համամարդկային հումանիզմը ընկալում եմ իբրև գերակայությունների հաստատում, ու չեմ պատրաստվում իմ տնավեր և հայրենազուրկ ազգակիցների շահերը ստորադասել վիրահատության նպաստից զրկվող տրանսգենդերների շահերին։ Էդ մարդիկ էլ իրենց ցավն ունեն, բայց դա իմ ցավը չի:
Ես հասկանում եմ, որ աջ լինելը հեչ օրիգինալ չի, ու ես չեմ կարող հանդես գալ դարակազմիկ հայտարարություններով. ասենք՝ հայերը «նահատակ են», կամ « մեր ապագան կոկորդիլոսն է», բայց ինչ արած։
Ես աջ եմ»։