«Հայաստանյան որոշ շրջանակներ Եվրոպայի նկատմամբ անհիմն ակնկալիքներ են առաջացնում». Հայկ Խանումյան

Արցախի ՏԿԵ նախկին նախարար Հայկ Խանումյանի ֆեյսբուքյան գրառումը. «Վերջերս արևմտյան մի երկրի դեսպան մասնավոր զրույցում ասաց, որ հայաստանյան որոշ քաղաքական և հասարակական շրջանակներ Արևմուտքի/Եվրոպայի նկատմամբ անհիմն ակնկալիքներ են առաջացնում հասարակության մեջ։ Դեսպանը մտավախություն ուներ, որ այդ ակնկալիքները, հնարավոր է ստեղծվեն ուղղորդված, ոչ թե անմտությամբ կամ գաղափարական հողի վրա։ Հիմա երբ տեսնում եմ, որ ռուսական կապիտալով աշխատող հանքարդյունաբերական ձեռնարկության աշխատակիցների իրավունքների պաշտպանության ժամանակ որոշ քաղաքական գործիչներ սկսում են անթաքույց պաշտպանել ռուսաստանցի սեփականատիրոջ շահերը, հասկանում եմ, որ հարգարժան դեսպանի մտավախությունները հիմք ունեն»: