«Տանջված մարդկանց ասել՝ մնայիք, կռվեիք, բարոյական չէ»․ Լևոն Քոչարյան

«Ամեն անգամ, երբ մտածում ենք, որ անբարոյականությունը պետք է ինչ-որ չափ ունենա, այս մարդիկ ապացուցում են, որ այդ չափն էլ ավելի կարող է իջնել։ Ամեն ինչի պատճառն իրենք են, սկսած 2018 թվականից, «զրոյական կետ»-ից, «ինչ ուզում՝ բանակցում ենք»-ից»,- ասաց Աժ «Հայաստան» խմբակցության պատգամավոր Լևոն Քոչարյանը՝ արձագանքելով Ալեն Սիմոնյանի երեկվա խոսքերին․ «Նման ծանր վիճակում հայտնված, տանջված մարդկանց ասել՝ մնայիք, կռվեիք, բարոյական չէ»,- նշեց Քոչարյանը։ Հարցին, թե դուք ի՞նչ կարգավիճակով եք տեսնում արցախահայերի վերադարձը, Լևոն Քոչարյանը պատասխանեց․ «Արցախցիների անվտանգ վերադարձը Արցախ պետք է լինի մեր արտաքին քաղաքականության օրակարգում։ Սակայն իշխանությունները դրա մասին չեն խոսում, անգամ խաղաղության պայմանագիր կոչվածի մեջ արցախցիների իրավունքի արդարացի պահանջների մասին ոչ մի խոսք չկա»։
Հարցին, թե երկրորդ նախագահի գրասենյակը, իր արտաքին կապերը օգտագործելով, այդ թվում Պուտինին զանգահարելով, քայլեր ձեռնարկո՞ւմ է Արցախի ռազմաքաղաքական ղեկավարներին գերությունից ազատելու համար, Լևոն Քոչարյանը պատասխանեց․ «Չեմ ուզում չակերտներ բացել, իհարկե, գործադրում է, բայց որքան էլ կապեր ունենաս, այս հարցով պետք է զբաղվի պետությունը, պետության ղեկավարը։ Եթե պետության ղեկավար չես, ապա չես կարող բանակցել, քանի որ փոխարենը առաջարկելու ոչինչ չունես»: