«ՀՀ երկքաղաքացիներին կթույլատրվի մինչև 1 ամիս այստեղ տրանսպորտային միջոցը վարել իրենց վարորդական վկայականներով»․ Արփինե Սարգսյան

«Արդեն իսկ ՆԳՆ կողմից շրջանառության մեջ է դրվել օրենսդրական նախաձեռնություն, որով ՀՀ երկքաղաքացիներին կթույլատրվի մինչև մեկ ամիս ժամկետով այստեղ վարել տրանսպորտային միջոցն իրենց ունեցած վարորդական վկայականներով»,- այս մասին ԱԺ-Կառավարություն հարցուպատասխանի ժամանակ ասաց ՆԳ նախարար Արփինե Սարգսյանը՝ պատասխանելով ՔՊ խմբակցության պատգամավոր Շիրակ Թորոսյանի հարցին և դիտարկմանը, որ «չի կարող Հայաստան մտնող ջավախքցին պարզապես տուգանվել վրացական վարորդական իրավունք ունենալու համար»։

«Իսկ եթե մեկ ամսից ավելի է յուրաքանչյուր մուտքի ժամանակ մնալու ժամանակահատվածը, արդեն քաղաքացին կպարտավորվի դիմելու և փոխարինելու իր վկայականը ՀՀ կոնկրետ վկայականով»,- նշեց նախարարը։

«Սա չքնաղ լուծում է»,- արձագանքեց Թորոսյանը՝ հորդորելով մինչև նախագծի ընդունումը ևս չտուգանել ջավախահայերին։