«Մի հատը սառնարանի ոտի տակից ենք հանում, մի հատը կանդիցիաների միջից ենք հանում». Նիկոլ Փաշինյան

Խոսելով Արցախի շուրջ բանակցությունների ընթացքից ու դրա շուրջ առկա փաստաթղթերից, վարչապետ Նիկոլ Փաշինյանը ևս մեկ անգամ սպառնաց բոլորը հրապարակել, միայն թե սպասում են, որ բոլոր փաստաթղթերը համակարգվեն. «ՀՀ-ում ձեզ չթվա, թե բանակցությունների ինստիտուցիոնալացված հատորներ կան: Մի հատը սառնարանի ոտի տակից ենք հանում, մի հատը կանդիցիաների միջից ենք հանում, մի մասն ընդհանրապես մասնավոր մարդ գալիս ա, մեզ տալիս ա: Դուք թողել ե՞ք, մի դարակում դրած որ լիներ, կասեինք՝ վերցրեք՝ ձեզ ենք տալիս: Չկա համակարգված մի տեղում դրած... Ցաքուցրիվ ա: Հիմա կհամակարգենք, կհրապարակենք, դրա շուրջ ինտրիգ մի ստեղծեք, ուշ թե շուտ հրապարկվելու ա, բան չեք ունենալու: Հրապարակման հետ կապված էլ հույսեր մի փայփայեք, այնտեղ ձեզ հուսադրող ոչ մի բան չկա, մեզ համար էլ չկա, բայց ձեզ համար էլ չկա»: