«Ի՞նչն ենք մենք լավ անում․ հետաձգելը»․ Նիկոլ Փաշինյան

Բարեփոխումների իրականացման գործընթացում հիմնական խնդիրը դրանք մշտապես հետաձգելն է։ Ազգային ժողովի հարցուպատասխանի ժամանակ այս մասին նշեց վարչապետ Նիկոլ Փաշինյանը։

«Վերջերս մի խումբ գործընկերներից մեկին վրդովված էլեկտրոնային նամակ եմ գրել հետևյալ բովանդակությամբ․ եթե լիներ հետաձգման ռեյտինգ միջազգային կազմակերպությունների աղյուսակում, մեր կառավարությունը կլիներ առաջինը։ Ինչն ենք մենք լավ անում՝ հետաձգելը։ Բոլոր հնարավոր բարեփոխումները ընդունել ենք, այս ենք անում, այն ենք անում, բայց հենց գալիս է ժամկետը, որ պետք է իրականացնենք, ասում ենք՝ եկեք հետաձգենք»,- նշեց Փաշինյանը։

Վարչապետի խոսքով՝ կառավարության կողմից իրականացվող բարեփոխումների մեծ մասը վաղուց պետք է կատարված լինեին, սակայն դրանք պարբերաբար հետաձգվել են՝ կորոնավիրուսի, պատերազմի, հետպատերազմական իրավիճակի, ընտրությունների և այլ պատճառներովով։

«Ընտրվելը գերնպատակ չէ, գերնպատակը պետության ինստիտուցիոնալ կայացումն է։ Ես խորապես համոզված եմ, որ ինչ արվում է, դա պետության ինստիտուցիոնալ կայացման համար է»,- ընդգծեց Փաշինյանը։