«Այսուհետ ուժեղները իրավունք կունենան իրենցով անելու ձախողված կառավարում ունեցող պետությունները». Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը. «Մի քանի օր է Թրամփն ասում է, որ Գազան վերցնելու են՝ իրենցով են անելու (we will take over Gaza).
Զուգահեռ Ռուսաստանի հետ բանակցություններ են սկսվում:
Կարծում եմ Ռուսաստանը կպահի գրավված տարածքները. Փոխարենը ԱՄՆ-ն իրենով կանի Գազան և նաև այլ շահեր առաջ կտանի:
Սրանից բխող լիքը այլ գործընթացներ առաջ կգան, նաև՝ մեզ վրա ուղղակիորեն ազդող:
Եթե այս ամենը իրականություն դառնա, կարող ենք արձանագրել մինչև վերջերս գործող գլոբալ աշխարհակարգի դադարը: Այսինքն, այսուհետ մեծերը՝ ուժեղները, իրավունք կունենան իրենցով անելու ձախողված կառավարում ունեցող տարածքներն ու պետությունները: Սրան, ի դեպ, դեմ չէ նաև Չինաստանը:
Հիմա, Նիկոլի ռեժիմն անում է ամենը, որ Հայաստանը հաստատվի որպես ձախողված կառավարում ունեցող և սուվերենություն ունենալու համար անպիտան միավոր:
Կամ միասին վերջ ենք դնում մեր՝ հայի, հանդեպ այս ծաղրուծանակին և ստորացմանը, կամ շարունակում ենք զբաղվել «ամենքս մեր գործերով»՝ ինչ-որ պահի արձանագրելով հայկական պետության մահը»: