«Եթե իրականություն է, ապա սա ՀՀ ազգային անվտանգության դեմ ուղղված քայլ է»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Ըստ տեղեկությունների, Բելոռուսում Ադրբեջանի պահանջով ձերբակալվել է Белла Белла -ն։ Որևէ այլ տեղեկություններ ցավոք սրտի մենք չունենք։
Այս հանգամանքը ունի մի քանի ազդեցություն, որոնցից ամենաակնհայտը այն է, որ Բելոռուսն հայերի համար այլևս անվտանգ չէ։
Հաջորդը վտանգավոր նախադեպի ստեղծումն է. Ադրբեջանը կարող է գնալ բոլոր հայերի հետևից: Սրա մասին լի րեր առաջ գրառում կատարել էի։ Ադրբեջանը փորձում է վախի տարածման միջոցով լռեցնել մեզ՝ բոլորիս և ենթարկել իր կամքին։
Սա պարզապես իշխանություն-ընդդիմություն հարց չէ, սա ՀՀ ազգային անվտանգության դեմ ուղղված քայլ է, եթե պարզվի, որ իրականություն է այն տեղեկատվությունը, որ Բելոռուսում ձերբակալվել է ՀՀ քաղաքացի Ադրբեջանի պահանջով։
Կոչ եմ անում, պահանջում եմ, կուզեք՝ խնդրում եմ, համապատասխան կապի միջոցներով ճշտել տեղեկատվության իսկությունը և գործել այն հաշվարկով, որ Բելլայի արտահանձնումը հերթական գերևարման դեպքն է։ Ինչպես նաև իրազեկել հանրությանը տեղի ունեցողի/ունեցածի մասին։
Ընդ որում նման ժեստով Բելոռուսը առաջին հերթին հենց Հայաստանի իշխանություններին է հարվածում, ի ցույց դնելով իր արհամարհանքը»։
Հիշեցնենք, որ տարածվող լուրերի Բելառուսում Ադրբեջանի հայցի հիման վրա ձերբակալվել է հայ աղջիկ բլոգեր, ով ակտիվորեն պաշտպանում է հայկական շահերը։ Նրա հայտնի բլոգներ ունի Յութուբում, Տիկ-Տոկում և Ինսթագրամում։ Հանդես է գալիս «Բելլայի մոտ» կեղծանվամբ։ Մի քանի օր առաջ, իր վերջին ելույթներից մեկում նա հայտարարել է, որ ադրբեջանցիները սպառնում են իրեն և որ Բելառուսում ամեն բան ադրբեջանցիների կողմից գնված է։