«Ռուսաստանը կարող է Բելառուսն օգտագործել որպես պլացդարմ ՆԱՏՕ-ի երկրների վրա հարձակվելու համար». Զելենսկի

Ուկրաինայի նախագահը Մյունխենի անվտանգության համաժողովում հայտարարել է, թե Ռուսաստանը հաջորդ տարի պատրաստվում է լայնածավալ ռազմական էսկալացիայի ՆԱՏՕ-ի անդամ երկրների դեմ և որ Բելառուսն օգտագործվելու է որպես հարձակման պլացդարմ

Զելենսկին ասել է, որ Կիևը «հստակ հասկանում է, թե ինչ են պատրաստվում անել ռուսները Բելառուսի հետ»։

«Ռուսաստանը պատրաստում է 15 դիվիզիա: Մոտ 100-150.000 զինծառայողներ պատրաստվում են իրավիճակի սրման բելառուսական ուղղությամբ»,- ասել է Զելենսկին՝ նշելով․ «Մենք արդեն տեսնում ենք, որ Եվրոպան էլ ավելի կամրապնդի Ուկրաինայի շուրջ այս միասնությունը, քանի որ դա նրանց պաշտպանությունն է: Նրանք ավելի ու ավելի են հասկանում, որ հաջորդն իրենք են»։