«Պարագլուխը բացահայտ ստերից անցել է հասարակության անթաքույց ծաղրին». Դավիթ Սարգսյան

Լրագրող Դավիթ Սարգսյանի ֆեյսբուքյան գրառումը. «Պարագլուխը բացահայտ ստերից անցել է հասարակության անթաքույց ծաղրին: Եթե 2018-ի և 2021-ի ընտրություններում նրա վերարտադրության մեխը մոլորեցումն ու խաբեությունն էր, հիմա արդեն հեգնանքն ու ցինիզմն է:
Դասական պոպուլիստ բռնապետ լինելով՝ հեծանվաավտոբուսային ժողովրդավար խաղալը, Արցախը հանձնելով՝ պետությանը «Ռենջ ռովեր» հետ բերելը, օրական մեկուկես միլիոն դրամ կեցավայրի վրա ծախսելով՝ իբր ձվածեղ սարքելը, զրոյից դոլարային միլիոնատեր դառնալով՝ բոլորին հայտարարագիր լրացնելու պարտադրանքն այլ բան չեն, քան ամբողջ հայ հասարակության վրա թքել ու ոտքերը սրբել:
Հայ ժողովուրդը նույնիսկ խաբված չէ, այլ ծաղրի առարկա է դարձել՝ իր փաստացի առաջնորդի կողմից: Ու ոչ երբեք ռուսն ու ամերիկացին, այլ միայն հայ հասարակությունը կարող է և պետք է որոշի՝ ուզո՞ւմ է իրեն հեգնող պարագլխին պահել, թե՞ ոչ...»: