«Հայկական քաղաքականությունն այդպես էլ միջանձնային հարցեր լուծելու մակարդակից վերև չբարձրացավ»․ Աննա Կոստանյան

ԱԺ նախկին պատգամավոր Աննա Կոստանյանի ֆեյսբուքյան գրառումը․ «Հայկական քաղաքականությունն էդպես էլ մանրախնդրությունից ու միջանձնային հարցեր լուծելու մակարդակից վերև չբարձրացավ, հո զոռով չի: Սոցիալական հարթակներում երկրորդ ու երրորդ նախագահների թիմերի միջև աստղային պատերազմներին հետևելիս տպավորություն եմ ստանում, որ էս երկրում էլ բանուգործ չկա, ամեն ինչ տեղն ա, նիկոլն էլ վաղուց հիշողություն ա, պարապությունից ընկել, իրար միս են կրծում: Սա ի՞նչ ա, էս ի՞նչ որակ ա, սա քաղաքականություն ա՞, ու էս տեմպերով ինչ-որ մեկն ուզում ա հայրենիք փրկի՞:
Մեկ էլ հետաքրքիր ա՝ նախագահներին սա դո՞ւր ա գալիս, իրանք աջակցո՞ւմ են էս տեսակ դիսկուրսն ու մրցակցության մեթոդաբանությունը: Հասկացանք՝ իրար չեք հանդուրժում, գոնե իրար հանդեպ քաղաքական սոլիդարություն պահեք՝ հաշվի առնելով թիվ մեկ քաղաքական թիրախի գոյությունը»: