«ՀՀ-ում իշխող քաղաքական ռեժիմը հայտնվել է անվտանգային վակուումի մեջ». «ՀայաՔվե»

«ՀայաՔվե»-ի ֆեյսբուքյան գրառումը. «Փոքր պետությունները, շարունակաբար հավատալով մեծ տերություններին՝ լինեն դրանք Արևմուտքից, Հյուսիսից, թե այլ տեղից եկած խոստումներ, կարող են զոհ գնալ այդ խարդավանքներին, երբ սկսում են իրապես հավատալ դրսից ներմուծված արժեքներին՝ անտեսելով սեփականը և նույնիսկ զոհաբերելով դրանք՝ հանուն այսրոպեական շահերի։
Աշխարհում վերջերս տեղի ունեցած փոփոխությունների արդյունքում ՀՀ-ում իշխող քաղաքական ռեժիմը՝ իր պարագլխի հետ միասին, հայտնվել է անվտանգային վակուումի մեջ՝ փչացնելով հարաբերությունները Ռուսաստանի, ԱՄՆ-ի՝ Թրամփի վարչակազմի հետ, մեկուսանալով Իրանից և փաստացի հույսը կապելով Թուրքիայի հետ։
Վերջինս էլ Հայաստանից պահանջում է շարունակական զիջումներ՝ Ադրբեջանի բոլոր պահանջների կատարում, «Զանգեզուրի» միջանցք և այսպես շարունակ»։