Ադրբեջանական բանտում պահվող Ռուբեն Վարդանյանի վիճակը կտրուկ վատացել է

Ռուբեն Վարդանյանի վիճակը կտրուկ վատացել է Ադրբեջանում, հայտարարել է փաստաբան Ջարեդ Գենսերը:

Արդեն մեկ շաբաթ տևող հացադուլից հետո Ռուբեն Վարդանյանն առողջական լուրջ խնդիրներ է ձեռք բերել, նա կորցրել է 6 կգ քաշ, ճնշումը հասել է վտանգավոր 140/110 մակարդակի: Չնայած դրան՝ նրան բռնի ուժով տեղափոխել են դատարան, որտեղ մերժել են նիստը հետաձգելու բոլոր միջնորդությունները՝ թույլ տալով նրան նիստին մասնակցել նստած։

Գենսերը հայտարարել է, որ իր պաշտպանյալին այդ վիճակում դատավարությանը մասնակցելուն հարկադրելը դաժան և անմարդկային վերաբերմունք է և կոչ է արել միջազգային կազմակերպություններին՝ անհապաղ պահանջել թույլատրել այցելել Վարդանյանին բանտում, թույլ տալ միջազգային բժշկին զննել Վարդանյանին, հետաձգել դատաքննությունը հացադուլի ընթացքում: