«Ռուբեն Վարդանյանը քաղաքական խաղերի զոհ դարձավ»․ Տիգրան Պետրոսյան

Արցախցի հասարակական գործիչ Տիգրան Պետրոսյանի ֆեյսբուքյան գրառումը․ «Ռուբեն Վարդանյանի հետ ծանոթացել եմ 2022-ի աշնանը, երբ նա տեղափոխվեց Արցախ։ Նա ցանկացավ մեզ հետ ծանոթանալ, եկավ նստեց մեզ հետ ու բավականին երկար զրուցեցինք…
Հետո մի քանի անգամ հանդիպել ենք հետը՝ փորձել հնարավորինս օգտակար լինել, քանզի այդ ժամանակ Արցախի ժողովուրդը մեծ հույսեր էր կապում նրա հետ։ Մի քանի անգամ տետ-ա-տետ եմ հանդիպել՝ համոզում էի չկատարել որոշ քայլեր, որոնք կարող են հիասթափեցնել հանրությանը, ու միշտ մեկ բան էի խնդրում՝ ամեն ինչ անել, որպեսզի հանրությունը հերթական անգամ չհիասթափվի։
Մեր վերջին հանդիպման ժամանակ նա անկեղծացավ որոշ հանգամանքների շուրջ, պատասխանեց ինձ հուզող որոշ հարցերին, ինչից հետո ես նրան հաջողություն մաղթեցի և պատճառաբանեցի, թե ինչու չեմ կարող նրա կողքին կանգնել, ժպտալով ասացի՝ հարուստ մարդ ես, արխային, կողքդ կանգնողները իրար հերթ չեն զիջելու…
Այդպես էլ եղավ, մենք ականատեսը դարձանք, թե ոնց են մարդիկ ճամբարափոխվում ու գնում Ռուբենի «կողքը» կանգնում, 10 չի է՝ 1000…
Այսօր էդ 1000-ից մեկ-երկուսն են փորձում քայլեր ձեռնարկել, մնացածները երևի նոր տերերի փնտրման մեջ են, Ռուբենից խեր չկա էլ… էսա պարզ իրականությունը…
Ռուբեն Վարդանյանը քաղաքական խաղերի զոհ դարձավ, թեև ի սկզբանե նրան որպես խաղացող ասպարեզ բերեցին»։