«Ստորացման ակտի նպատակը Զելենսկուն հրաժարականի դրդելն է»․ Գայանե Աբրահամյան

ԱԺ նախկին պատգամավոր Գայանե Աբրահամյանի գրառումը․ «Դատելով ԱՄՆ տարբեր պաշտոնյաների արձագանքից, որոնք Թրամփին ու Վենսին մեծարում են՝ պնդելով, որ պաշտպանել են ԱՄՆ ժողովրդի ու պետության շահերը, քանի որ «Զելենսկին իրենց դրդում է սկսել միջուկային պատերազմ Ռուսաստանի դեմ, 3-րդ համաշխարհային պատերազմ սանձազերծել» և այլն, երեկվա սադրանքը և Զելենսկուն ստորացնելու ակտը, թերևս, ուներ առնվազն երկու նպատակ։
ԱՌԱՋՆԱՅԻՆ նպատակն այս ստորացման ակտի, կարծում եմ Զելենսկուն ՀՐԱԺԱՐԱԿԱՆԻ դրդելն է ու դրա համար հիմնավորումներն այլևս շատ են՝ «Զելենսկին անարգել է ԱՄՆ-ն ու նախագահին» և նրա հետ բանակցել այլևս չեն պատրաստվում (Թրամփի գրառման այս հատվածը՝ He disrespected the United States of America in its cherished Oval Office)։
Սա պատճառ կարող է լինել զարգացնելու հիմնական խոսույթը հենց Ուկրաինայի ներսում՝ եթե ցանկանում եք խաղաղություն և աջակցություն ԱՄՆ-ի կողմից՝ փոխեք բանակցողին, սրանով Թրամփը, թերևս ևս մի խաղաքարտ կունենա Պուտինից այլ հարցում որևէ զիջում կորզելու (Անշուշտ ոչ ի օգուտ Ուկրաինայի, այլ իր շահերին համահունչ)։
Բայց մեկ այլ նպատակ եւս կարծում եմ կա, քանի որ, չեղարկվեց նաև հազվագյուտ հանքերի մասով համաձայնագրի ստորագրումը, չնայած տարբեր աղբյուրներ միջազգային մամուլի հրապարակել էին, որ ամեն ինչ համաձայնեցված է և փաստաթուղթը լիովին պատրաստ էր ստորագրման, բայց նաեւ շեշտում էին, որ այս գործարքում Թրամփն իր մաքսիմալ նպատակին չի հասել ու շաբաթներ առաջ Զելենսկու մերժումը ստանալուց հետո ստիպված զիջումների են գնացել, իսկ բիզնեսում նա զիջել չի սիրում։
Հետևաբար չենք կարող բացառել, որ հետո, երբ ԱՄՆ այլեւս դադարեցնի աջակցությունը, իսկ երեկվա Թրամփի գրառումը, թերևս հենց դրա մասին էր, այս գործարքի շուրջ բանակցությունները Զելենսկին մեկնարկելու է շատ ավելի վատ դիրքից ու Թրամփը կհասնի իր նախնական նպատակին՝ հանքերի ողջ ծավալի և ամբողջական շահագործման։
It's just business baby, nothing more((»։