«Մասկը չի կարող փոխել պատմության ընթացքն ու տրամաբանությունը»․ Նարինե Մկրտչյան

Մամուլի ազգային ակումբի նախագահ Նարինե Մկրտչյանի ֆեյսբուքյան գրառումը․ «Իլոն Մասկը X միկրոբլոգում գրառում է արել, նշելով, թե Ուկրաինայի նախագահ Զելենսկին պետք է հրաժարվի իշխանությունից և հեռանա երկրից։ Միաժամանակ, միլիարդատերը կոչ է անում Զելենսկուն համաներում շնորհել որևէ չեզոք երկրում։
Մասկին թերևս կարելի է հասկանալ․ տեխնոլոգիաներն այնքան են նրա փոխարեն մտածել, որ նա կորցրել է իրականության պարզ ընկալումը, հակառակ դեպքում կտեսներ, թե ինչպես է ՌԴ նախագահ Վլ․ Պուտինը, որ բռնապետություն է հաստատել իր երկրում, ներխուժել է հարևան պետության տարածք, զավթել դրա մի մասը, պատերազմ սանձազերծել, որ հանգիստ չի տալիս նախկին խորհրդային հանրապետություններին, որը դավաճանաբար դարձավ Արցախի հայաթափման և հանձման մասնակիցն ու կազմակերպիչը և որի ղեկավարած երկրում համակարգային կոռուպցիա է տիրում։
Չնայած այս ամենին՝ Մասկը Պուտինին կոչ չի անում հրաժարվել և հեռանալ իշխանությունից։ Մասկը Պուտինից թերևս վախենում է։ Մասկի քաղաքական մտքի թռիչքն այստեղ ընդհատվում է։
Թրամփի և Մասկի ղեկավարած ԱՄՆ-ն վերածվում է ուժի աղբյուրի, թեպետ Միացյալ Նահանգները հիմնադրվել է որպես իրավունքի, ազատության և արդարության աղբյուր։
Մասկը կարող է փոխել տեխնոլոգիաները, սակայն չի կարող փոխել պատմության ընթացքն ու տրամաբանությունը»։