«Ես ունեմ երկու թշնամի, ներսում` Նիկոլը, դրսում` Ալիևը»․ Տիգրան Վարդանյան

ՀՀԿ խորհրդի անդամ Տիգրան Վարդանյանի ֆեյսբուքյան գրառումը. «Ադրբեջանը նոր պահանջ է իջեցրել Նիկոլ Փաշինյանին: Մասնավորապես Ալիևի օգնական Հաջիևն ասում է, թե ՀՀ-ն պետք է ցույց տա իր խաղաղ մտադրությունները՝ հանձնելով «ռшզմական հանցագործությունների մեջ մեղադրվողներին», ովքեր «թաքնվում» են ՀՀ-ում: Խոսքը գնում է ի դեմս 2-րդ ու 3-րդ նախագահների, նաև այլ մարդկանց մասին, ում անունները հնչել են Ադրբեջանի կեղծ դատավարությունների ժամանակ:
Սա ինձ համար հերթական ազդակն էր, որ ես ունեմ երկու թշնամի: Ներսում՝ Նիկոլը, դրսում՝ Ալիևը:
Որքան էլ 2-րդ նախագահ Քոչարյանի անվան կամ ստվերի շուրջ հայտված որոշ մանկուրտներ ու քաղաքական տռանսվիստիտներ, փորձեն բանավեճի պլանկան մեզ վիրավորելով իջեցնել, նույնիսկ չպատկերացնելով, որ մենք այն կարող ենք off line տիրույթում լուծել, կամ նույն կերպ արձագանքել online ձևաչափով, բայց ավելի համեմված, որը խիստ կազդի իրենց բարոյական ու հոգեբանական նկարագրի վրա, մենք կրկին դա չենք անում՝ քաղաքական դաս տալով այդ մարդկանց ու ցույց տալով մեր մակարդակների էական տարբերությունը: Բայց դա նաև չի նշանակում, որ այդ համբերությունն անսպառ է:
Դեպքերն արագ են զարգանում ու Նիկոլը շատ մեծ հավանականությամբ կարող է գնալ նոր արկածախնդրության: Կարծում եք, թե Նիկոլը պաշտպանելո՞ւ է որևէ կերպ պաշտոնաթող նախագահներին: Իհարկե, հակառակ պրոցես է տեղի ունենալու: Գուցե նախնական համաձայնություն արդեն տված լինի, ներքին թշնամին: Դրա համար, ես առաջարկում եմ դադարեցնել մեր նկատմամբ գրոհն ու մեր հասցեին հնչող դատարկամիտ ու ցնդաբանության հասնող զառանցանքները, որովհետև շատ հստակ նշել եմ ներսի ու դրսի թշնամիներին:
Հանրապետականի ձայնը միշտ լսելի է լինելու: Ամեն անգամ ավելի հնչեղ, որքան էլ դա Նիկոլին ու լատենտ նիկոլներին դուր չգա»։