«Հուսամ` դասեր ենք քաղում, թե ազգային իրավունքների համար ուժով չպայքարելն ինչի կարող է հանգեցնել»․ Էդուարդ Աբրահամյան

Միջազգային հարաբերությունների դոկտոր Էդուարդ Աբրահամյանի ֆեյսբուքյան գրառումը․ «Ցեղասպանական գործողություններն ու էթնիկ զտումները աշխարհի տարբեր հատվածներում, ներկայիս սուր հակամարտային բազմաբևեռ աշխարհակարգում՝ իր ոչարևմտյան արժեհամակարգերով դառնում են, ըստ էության, անպատժելի։ Բուչա, Արցախ, Մյանմար, իսկ հիմա Սիրիա, ինչպես նաև աշխարհի այլ կետերում՝ տարբեր ինտենսիվության։ Հուսամ՝ հայերը տեսնում են, թե ինչ կարող է իրենց սպասվել մոտ ապագայում և դասեր են քաղում, թե ազգային իրավունքների համար ուժով չպայքարելը, չզինվելն ու պատշաճ կռվելու պատրաստ չլինելը ինչի կարող է հանգեցնել»։