«ԵՄ դիտորդներին դուրս բերելը նաև ռուսների պահանջն էր»․ Նիկոլայ Թորոսյան

Խմբագիր Նիկոլայ Թորոսյանը ֆեյսբուքյան իր էջում գրել է.

«Ես, որպես տաքսիստ, հետևաբար՝ աշխարհաքաղաքական հարցերով փորձագետ, ուզում եմ հիշեցնել, որ ԵՄ դիտորդներին դուրս բերելը նաև ռուսների պահանջն էր, որին նա «չերեզ» ՀՀ հետ երկխոսություն, չհասավ։ Փոխարենը, կարծես թե, հասավ Բաքուն՝ ճնշմամբ։ Հետևաբար, եթե դա տեղի ունենա, ռուսներն ու ադրբեջանցիները գործիքավորելու են էդ փաստն իրենց հարաբերություններում, ու Ռուսաստանը Հայաստանից բաներ ա փորձելու ստանալ «չերեզ» Ադրբեջան՝ ճնշման միջոցով։ Ավելորդ էլ ա նշել, որ ամեն զիջում, որը ռուսների թե սոմալիացիների օգտին արվելու ա ոչ թե երկխոսության միջոցով, այլ միջնորդավորված՝ «չերեզ» Բաքու, բարձրացնելու ա Բաքվի կշիռը մյուս կողմի համար»։