«Կործանարար ճանապարհով «խաղաղություն» են բերում»․ Վահե Սարգսյան

Պատմաբան Վահե Սարգսյանի ֆեյսբուքյան գրառումը․ «Արարատ Միրզոյանը քիչ առաջ ԱԺ-ում հայտարարում է, թե 2024-ին խաղաղ է եղել: Դե, խաղաղ է եղել, քանի որ Կուրսկ մտած ուկրաինացիների նման ձեռքերդ վեր պարզած հլու֊հնազանդ շարունակել եք այս անգամ էլ Տավուշում հանձնել հայրենիքը՝ ռազմավարական տարածքներ, միջպետական ճանապարհներ ու բնակավայրեր: Դա հենց Նիկոլ Փաշինյանն է հայտարարել տավուշցիներին, որ եթե չտանք՝ այլընտրանքը պատերազմն է: Այսինքն՝ պատերազմը կանխում եք և «խաղաղություն» եք բերում այդ կործանարար ճանապարհով: Դա նույնն բանն է, որ տունդ ծախես, մի տարի էդ փողերը վայելես, մյուս տարվա սկզբին ասես՝ անցած տարին ինձ համար հրաշք էր, լավ կերա, խմեցի: Ու եթե մի իմաստուն պապիկ դա լսի, միայն կարելի է կռահել, թե ինչ անուն կտա քեզ»։