Երկուշաբթի, 23 փետրվարի, 2026 թ.
|
Ստեփանակերտում`   +9 °C

«Մեր ինքնիշխանության առք ու վաճառքն արդեն տեղի է ունեցել, մնում է ձևական ավարտը»․ Արմեն Հովասափյան

«Մեր ինքնիշխանության առք ու վաճառքն արդեն տեղի է ունեցել, մնում է ձևական ավարտը»․ Արմեն Հովասափյան
265
Կիրակի, 16 մարտի, 2025 թ., 02:03

ՀՀԿ խորհրդի անդամ Արմեն Հովասափյանի ֆեյսբուքյան գրառումը. «Այսօր, ուղիղ 104 տարի անց, երբ Բեռլինում պատժվեց մարդկության արյունոտ դահիճներից մեկը, Հայաստանի գործող իշխանությունն օր ցերեկով պարտադրում է մեզ ուրանալ այն, ինչի համար սերունդներ են պայքարել։
Հայկական իրականության մեջ թուրքական նարատիվը ներմուծող և տարածող լիբերալ-ֆաշիստների այս դասը, որը սեփական իշխանության պահպանման համար իրեն գարանտ է կարգել Էրդողանին, այսօր բաց տեքստով փորձում է համոզել նրան, որ «մենք խնդիր չունենք» Հայոց ցեղասպանության հետ։
Այս ամենը նշանակում է մեկ բան. մեր ինքնիշխանության, մեր հիշողության, մեր պատմական իրավունքի առք ու վաճառքն արդեն տեղի է ունեցել, պարզապես մնում է ձևական ավարտը։ Եվ այս ամենը գիտակցելով՝ մենք շարունակում ենք հանդուրժել այս ինքնակործան քաղաքականությունը։
Ո՞ւր է սահմանը։ Որտե՞ղ ենք կանգ առնելու»։

Աղբյուրը`   Արմեն Հովասափյան