«Չկա որևէ երկիր, որ ասի՝ ես տեր եմ այս խաղաղության համաձայնագրին»․ Տիգրան Քոչարյան

Մեդիափորձագետ Տիգրան Քոչարյանի ֆեյսբուքյան գրառումը՝ կից տեսանյութով. «Չկա որևէ երկիր, որ ասի՝ ես տեր եմ այս խաղաղության համաձայնագրին։ Եթե նույնիսկ ստորագրվի այդ համաձայնագիրը, երաշխավոր չի լինելու․ ցանկացած պահի կարող է հարձակում լինել։ Դիցուք՝ ստորագրեցին։ Ո՞վ է երաշխավորելու դրա կիրառումը։ Չկա որևէ երկիր, որ ասի՝ ես տեր եմ այս խաղաղության համաձայնագրին։ Դա նշանակում է, որ յուրաքանչյուր պահի յուրաքանչյուր կողմը կարող է խախտել համաձայնագիրը՝ հիմնվելով ինչ-ինչ առիթների վրա։
Այս համաձայնագիրն էլ է առ ոչինչ։ Չի կարելի ասել, որ այն խաղաղության համաձայնագիր է, որովհետև հայկական կողմը նվաստացված է։ Երբ իշխանափոխություն լինի, ազգային ուժեր գան, այս համաձայնագիրը չի կատարվելու։ Եթե երաշխավոր էլ կանգնեն, դա չի նշանակում, որ հրադադար է լինելու, Բուդապեշտի մեմորանդումը բոլորիս օրինակ։ Մեր ազգաբնակչությունը պետք է վերջնական հասկանա՝ խաղաղության համաձայնագիրն առ ոչինչ է ու հարցերը լուծվելու են գետնի վրա՝ զենքի ուժով ու միջազգային նոր փոխված իրավունքի ուժով»։