«Օտարման ոչ ենթակա հողատարածք են օտարել՝ ճանապարհով ու կանաչ գոտով»․ Արթուր Չախոյան
203
Այսօր, 13:18
Բլոգեր Արթուր Չախոյանի ֆեյսբուքյան գրառումը՝ կից տեսանյութով․ «Օրենքով արգելվող, օտարման ոչ ենթակա 90-րդ հոդվածի հողատարածք են օտարել՝ ճանապարհով և կանաչ գոտով, և այժմ այն վաճառում են 500,000 դոլարով։ Երևանի քաղաքապետարանի մամուլի խոսնակ Հայկ Կոստանյանը վերջին բրիֆինգի ժամանակ հայտարարել է, որ շինարարական թույլտվությունները, մինչև Տիգրան Ավինյանի ստորագրումը, անցնում են բազմաթիվ գործընթացներով։ Իսկ ապօրինի թույլտվություններ, ըստ նրա, մարդիկ ստանում են դատարանի որոշմամբ, թե բա՝ Ավինյանը «սուրբ է»։ Հայկ Կոստանյանի հայտարարությունը ամբողջությամբ մանիպուլյատիվ է, քանի որ նման դատական նիստերին Երևանի քաղաքապետարանի ներկայացուցիչները հիմնականում չեն ներկայանում։ Արդյունքում՝ քաղաքապետարանի միտումնավոր անգործության հետևանքով օրենքի շրջանակներում ապօրինի հիմք ունեցող տարբեր թույլտվություններ են տրվում՝ դատարանի որոշման հիման վրա։ Նման ապօրինի թույլտվությունները սովորաբար տրվում են քաղաքապետարանի միջև ներքին պայմանավորվածությունների միջոցով, երբ միտումնավոր մերժումների ձևակերպման մեջ թողնվում են իրավական բացեր, որպեսզի դատարանում դրանք ճանաչվեն անհիմն մերժումներ։ Վերջին ամենաթարմ օրինակներից մեկը՝ Տորք Անգեղ այգու ապօրինի զավթված տարածքի տերերը դիմել են դատարան՝ հողը սեփականություն ճանաչելու հայցով, սակայն Երևանի քաղաքապետարանի ներկայացուցիչը նիստին չի մասնակցում։ Հետո էլ հայտարարելու են՝ «Վայ, դատարանի վճռով օրինականացրեցին»։ Հայկ Կոստանյանի հայտարարությունը վերլուծելով՝ գալիս եմ այն եզրահանգման, որ Երևանի քաղաքապետարանի իրավաբանական վարչությունը կա՛մ չափազանց վատ է աշխատում, եթե դատարանների միջոցով հնարավոր է ստանալ ապօրինի շինթույլտվություններ, կա՛մ էլ, վերոնշյալ դեպքերից ելնելով, կաշառք է վերցնում՝ նմանատիպ գործերը միտումնավոր տապալելու համար։ Հիմա Երևանի քաղաքապետարանին ուղղում եմ անպատասխան հարց. Եթե դուք այդքան «սուրբ» եք, ապա ինչո՞ւ դատարան հայց չի ներկայացվում օրենքով արգելվող, օտարման ոչ ենթակա 90-րդ հոդվածի հողատարածքների օտարումը անվավեր ճանաչելու համար։ Հատուկ եմ նշում որպես անպատասխան հարց, քանի որ գիտակցում եմ, որ դրան պատասխան չի լինելու։ Փաստաթղթերը՝ ստորև»։
Օտարման ոչ ենթակա 90-րդ հոդվածի հողատարածք են օտարելՕտարման ոչ ենթակա 90-րդ հոդվածի հողատարածք են օտարելՕտարման ոչ ենթակա 90-րդ հոդվածի հողատարածք են օտարելՕտարման ոչ ենթակա 90-րդ հոդվածի հողատարածք են օտարել
