«Այս իշխանությունը ստով եկել է, ստով էլ շարունակում է․ չեմ վստահում»․ ակցիայի մասնակից

«Այս իշխանությունը ստով եկել է, ստով էլ շարունակում է։ Ծայրից ծայր սուտ են, իրենց վստահելու պատճառ չունեմ։ Ունեցել եմ մեծ հայրենիք, հիմա փոքրացրել են։ Չեմ վստահելու, պայքարելու եմ մինչև վերջ, որ գնան»,- այս մասին այսօր լրագրողների հետ զրույցում նշեց «Չենք վստահում այս իշխանություններին» խորագրով բողոքի ակցիայի մասնակիցներից մեկը։
Նրա խոսքով՝ այս իշխանության վարած քաղաքականությունը հայ երիտասարդությանը կանգնեցրել է փաստի առաջ․ «Մենք վտանգված ենք․․․ Անտարբերության իրավունք չունենք, պիտի ոտքի կանգնենք, այս իշխանությանը հեռացնենք»,- ասաց ակցիայի մասնակիցը։

Նշենք՝ «Սրբազան պայքար» շարժման երիտասարդները «Չենք վստահում այս իշխանություններին» խորագրով բողոքի ակցիա են կազմակերպել՝ ցույց տալու, որ դեմ են ներկայիս իշխանությունների վարած քաղաքականությանը։