«Պետական միջոցները մսխվում են անորակ աշխատանքների վրա». Արթուր Չախոյան

Բլոգեր Արթուր Չախոյանը ֆեյսբուքյան իր էջում տեսանյութ է հրապարակել՝ կից գրելով. «Գետնանցումի բարեկարգման համար հատկացրել էին 50 000 000 դրամ: Աշխատանքների ավարտից հետո նոր «բարեկարգված» գետնանցումը քանդվել էր, և կրկին նորոգման համար հատկացրել են
20 000 000 դրամ:
Տիգրան Ավինյանը հաճախ գովաբանում է ինքն իրեն, նախադեպը չունեցող աշխատանքների ծավալի մասին, սակայն հանրությունը ականատես է լինում, թե ինչպես են պետական միջոցները մսխվում անորակ աշխատանքների վրա. երբ ասֆալտ են փռում, որը անձրևից հետո ջուրը քշում տանում է, կամ անորակ կառուցված խաղահրապարակները քանդվում են, և այդ ամենի համար ոչ ոք պատասխանատվություն չի կրում, մինչդեռ ժողովուրդը գլուխը կախ հանդուրժողական լռում է։
Իշխանության կերտած քաղաքականությունը լեգիտիմ է և տրամաբանական, եթե այս թալանը տեսնելուց հետո ժողովուրդը ոտքի չի կանգնում, ուրեմն ամեն ինչ լավ է: Հակառակ դեպքում մարդիկ ոտքի կկանգնեին, և այդպիսով, ժողովրդի անգործությունը լեգիտիմացնում է իշխանության թալանը»: