«Էս չե՞ք, չարչինե՛ր»․ Նիկողոս Հովհաննիսյան

Հասարակական գործիչ Նիկողոս Հովհաննիսյանը ֆեյսբուքյան իր էջում անդրադարձել է Ալեն Սիմոնյանի այսօր կատարած արտահայտությանը, թե հայերն ու ադրբեջանցիները առևտուր են անելու իրար հետ։ «Ալեն, դուք այս երկիրը տարել եք պարտության, դուք այս երկիրը տարել եք կործանման, դուք հանձնել եք մի ամբողջ Արցախ, դուք հանձնել եք Հայաստանի Հանրապետությունից տարածքներ, դուք 5000 երիտասարդի, 5000 հոգու գլուխ եք կերել ձեր բերած պատերազմով, դուք 10 հազարից ավել մարդու սարքել եք հաշմանդամ, դու ոչ մի բանի մասին խոսելու իրավունք չունես։ Դուք խաղաղություն չեք բերել, դուք մեր երկիրը տվել եք ուրիշի։ Հիմա խոսում ես առևտրից, այսինքն, Ադրբեջանը պիտի գա առևտուր անի՞ այստեղ։ Դու կարծում ես, որ Հայաստանի հանձնված տարածքներ գումարած հանձնված Արցախ հավասար է ադրբեջանական և հայկական շուկա՞։ Այսինքն՝ այդքան մարդու զոհեցիք, որպեսզի ադրբեջանական առևտուր լինի Հայաստանում։ Թե՝ բա ադրբեջանական բենզինն ավելի էժան ա, էս չե՞ք, չարչիներ եք դուք»,- ասել է հասարակական գործիչը։