«ԵՄ քաղաքացիական առաքելության մանդատի երկարաձգումը շարունակելու է զսպող գործոն հանդիսանալ». Պարույր Հովհաննիսյան

«ՀՀ-ում ԵՄ քաղաքացիական առաքելության մանդատի երկարաձգումը գալիք երկու տարիների ընթացքում շարունակելու է զսպող գործոն հանդիսանալ՝ նպաստելով սահմանային շրջաններում կայունության միջավայրի ամրապնդմանն ու էսկալացիայի հնարավոր ռիսկերի կանխարգելմանը»,- այս մասին ԱԺ եվրոպական ինտեգրման հարցերի հանձնաժողովի նիստում հայտարարել է ԱԳ փոխնախարար Պարույր Հովհաննիսյանը: Նրա խոսքով՝ ԵՄ-ի հետ գործընկերության նոր օրակարգում առաջին անգամ անդրադարձ է եղել անվտանգային ոլորտին՝ որպես համագործակցության առանձին ուղղություն: